فرح نيوز _ عمان
وصل الناشط على مواقع التواصل الاجتماعي محمد الصباغ، الخميس، إلى رابع أعلى قمة في العالم وهي جبل كالامنجارو، الذي يقع في شمال شرق تنزانيا، بالقرب من الحدود الكينية والتي يبلغ ارتفاعها عن مستوى سطح البحر 5895 مترا، بعد مغادرته الأردن في 30 آب الماضي.
ووثق الصباغ بداية رحلته في صورة التقطها عند مطار الملكة علياء الدولي معلقا عليها “تجربة وتحدي جديد.. بالمطار مسافر ورايح لتحدي غريب وجديد علي.. رابح اتسلق جبل كالامنجارو رابع أعلى قمة في العالم…..”.
ونشر الصباغ على صفحته الشخصية على موقع التواصل الاجتماعي “انستغرام” العديد من الصور التي التقطها أثناء رحلته في الصعود إلى جبل كالامنجارو، وفيها المسير والتخييم، وبعض الفيديوهات القصيرة التي تراقص فيها مع أحد المرافقين له في رحلته.
وصادف ذكرى ميلاد الصباغ الخامس والعشرين، حين كتب على منشور له، “أول مرة بحس بشعور زي هيك بعيد ميلادي.. يكون هاد المكان جبل كالامنجارو.. مبسوط كثير اني بتحدى حالي كل فترة وفترة بكثير أشياء…..”.
وختم الصباغ رحلته بمقطع فيديو قصير أبدى فيه سعادته المطلقة إزاء صعوده أعلى قمة في إفريقيا، والرابعة في العالم، رغم شعوره بالتعب وفق قوله.
وانهى الصباغ يوم الخميس تحدي تسلق جبل كالامنجارو، بصورة رفع فيها العلم الأردني
وقال عبر صفحته على انستغرام الحمدلله شعور لا يوصف وصدقوني يمكن هاد كان اصعب يوم بحياتي .. كثير وقفت وما قدرت اكمل من البرد والهواء القوي .. قدرنا نتسلق جبل كالامنجارو اعلى قمة بأفريقيا ورابع اعلى قمة بالعالم على ارتفاع ٥٨٩٥ متر فوق سطح البحر ..حلو دايماً نتحدى حالنا بأشياء كثير ونختبر قدراتنا كلنا بنقدر هي الجملة الي انا حاب احكيها لكل حدا .. حط ببالك اي اشي ورح تقدر تعمل لو عندك ارادة .. هاي اول تجربة بحياتي وفعلياً انا قرأت عن هاد الجبل كثير وكنت مقكر اني بقدر بسهولة اكتشفت انو اصعب ب ١٠ اضعاف من ما انا تخيلت .. لأنو بهيك حالة الموضوع بصير خارج عن ارادتك مثل انك تكون مش قادر تتنفس او دايخ .. ومع العلم اني انا مش متسلق انا شخص رياضي فقط وقررت اني اعمل هيك اشي .. الحمدلله قدرت ارفع علم الأردن واثبت لكل حدا انو انا بقدر.
وشكر شركة اورنج على ما قدمته بهاي الرحلةو جمعية سنا على دعمها وقال انه تم اختيار هذه الجمعية اني ادعمها بهاي الرحلة وارفع علمها ??
صور من انستغرام تم توثيق فيها رحله
